كطاع

هذ كطاع هون من أيام منتدى المشهد الموريتاني (مع ملاحظة أني احتفظت بالاسماء المستعارة للجميع )

وهو موجود على الرابط التالي

http://www.almashhed.com/t7813.html

محمد اباه :

مالى عت ابهاذى لبلاد            لعد اُمالى بالمشهد لعدْ

اشْ عاكب يرتد امن امراد         المشهد واش عاكب يشتد

tlaleba2004

لعت ال هان لخبار                 الدور اتراه مانشحد

والي عت ال واعد دار              لاتنس دارك يمحمد

محمد اباه :

عن دار المشهد ما ننحاز           ابذ نشهد وانت تشهد

ايشهد عبد الله والباز               بيه ا يشهد زاد المشهد

tlaleba2004

ال بدع كيفت بدعك                اعل راوص اصباع ينعد

والمشهديشهدلك واهلك              وان واهل المشهدنشهد

لكنت النحسدنحسدلك              غيرآن باطل مانحسد

youkhichan

انتوم بداع لثنين                             والوسان بيه نشهد

عن متفاصل لكطاع ا زين                  ابمعناه افيه المقصد

ماه كيف اكطاعات اخرين                   ينجبر عادو فالمشهد

heye2007

مرحبت بيك إلَ وليت             من غيب طالت ماه رد

لاه انحييك فكل ابتيت                واسو ترش منِ ترتد

ولد هيبة

شنهي سبت عودانو               موريتان ياهل المشهد

غايبها واكف سولانو              فمجيه الا عن شي يشتد؟؟؟

محمد سالم ول أذويب:

 مرحبت بيك ءلالك كاع                    بين لعد ءكافك يشهدْ

عنك مزلت الا بداعْ.                         والمشهد مزال المشهدْ

محمد اباه: السيد tlaleba2004

كافك زين الاهُ معتاد                 وران حزتُ ما نجحدْ

والشهادَ حايزهَ زاد                  شهادَ منك ما ترتد

محمد اباه:الأستاذ  youkhichan

كولان انَّك بدعك حسين ما يتكلْهَ حد ايلا كد

اعل حد أُ كول انُّ زين  مايتكله حد اعل حد

محمد اباه: الأخت2006 heye

اتْمرْحيبك بيانَ كارْ                  فيَ وامَّ يطول العهد

ما ترتد اخبارُ واخبار                الترشَ عندى ما ترتد

محمد اباه: المحترم ولد هيبة:

عن شي يشتد انا سولتْ                    من لخبار, اُشي ثاني كد

حد ايراه افذي لنترنت                       ما تكلع شي لَجبْرُ حد

محمد اباه: المشرف ول اذويب   : 

اعليَّ بدعك جدْ اُ جاد              اعليّ كونُ ما ينْحد

اكونك ما تنكاس ابلعناد                 فالمشهد زاد اعليّ جدْ

Youkhichan :       

 شهدتلك ذلناس الي ريت           والخالك فالمشهد يشهد

عنك بداع افذا لبتيت               مفتوح اعليك افذاك الكد

اشعار المشهد كيفن جيت           شهدولك شعار المشهد

ولد هيبة

شي ثاني حد ايدور ايراه                               خبرو مجبور افكل ابلد

يغير انت كافك مولاه                        عنو كيفت شي مسند

الغوث ول الطلبه

ماهُ كيفك فهل الموزون                       ولادم كاع اوبدعك بدْ

وخبار المشهد فالمضمون                     عادت ترتد افكل ابلدْ

محمد اباه

شي ثاني ريتُ يالجواد            ما نتردَّدْ عنُّ ف ابلدْ

كاع اُضامن لك عنِّ زاد          عن كولانُ ما نتردَّدْ

محمد ولد ناجم

بدعك زين وتحلب خندود                  من لوزان وتغرف بالمد

كربت فيل وبرمك مشدود                  من لبريم امع متن الشد

ما نحسدلك من خوف انعود                يا امحمد فالمشهد نحسد

محمدسالم

عَلَّمْنِي مُلاَنَ الَّ دَينْ                 كًولان اشْهَادَة ما تَرْتَدْ

حد اتْلَوَّدْ ل َكْطَاع أو زين           عنَّكْ لَوَّدْلُ فَلْمَشْهَدْ

dehah

واحد من بداعتنا دارْ               أخبار المشهد فالمشهد

راعيلو طواري لخبارْ             والْ فالمشهد من ش يشتدْ

tlaleba2004

ماطاري كون اعيت اعليك                  انتلفن مرمتوحد

مانجبرحداوهذفيك                  ماكا نت عندي يامحمد

محمد اباه

اعييتْ انتلفنْ زدانَ                 الانجبرحد اعليه انردْ

مندرتِ كانُ منْ يانَ                ولا كانُ من ذاك الحدْ؟!

dehah

تيلفونكْ كيفتْ ش ِ ماتْ           لاتْ اتجاوبْ حتَّه واتْردْ

بيها فتْرتْها باطْ أ ُفاتْ                واللّ يامْحمَّدْ مستعْمدْ ؟!

محمد اباه

ردِّي في المشهد شايد بيهْ                     ظاهر وانت كلتْ انّك بعدْ

اترد اعلَ شي كامل فيهْ                     حكللَّ يالدهاهْ اتردْ!!

dehah

أيدي ماهْ اطويلَ كيفكْ               ما نكَلعْ فالمشهدْ وانردْ

غيرْ ألا يامحمدْ كَيلكْ               راهْ اعلَ لمغنينْ انردْ ... أيدي

حراك أكوم

  كَلتْ ألْ مُحمدْ تو امجيهْ                     كافْ ءو فمنينْ ألدكْ اوتدْ

مُحمدْ فَلْمَشْهَدْ راعيهْ                           كافِ كَلتولُ مُجدَّدْ

محمد اباه

الدهاه او حراك اكومْ                         بداعَ وانَ زاد انكدْ

انكاطعهم لثنين اليومْ                         وانكد اعلَ مَزلتْ انردْ..الدهاه او...